Rossiyaning Viborg shahrida olti nafar mast o‘zbekistonlik ikki politsiyachiga tashlanishgan. Sabab sifatida politsiyachilarning migrantlarni alkogol do‘koniga kiritmagani aytilmoqda.

Joriy yilning 2 dekabrida, politsiyachilar alkogol do‘konining man qilingan vaqtda savdo faoliyatini yuritayotgani bo‘yicha dalolatnoma tuzayotganida, do‘konga alkogol sotib olish niyatida bir necha migrantlar kirib keladilar.

Ma’lum bo‘lishicha, politsiyachilarning ketish haqidagi talablariga qaramay, migrantlar alkogol sotishni so‘rayvergan. Shunda politsiyachilar ulardan migrasion ruxsatnoma va boshqa hujjatlarni ko‘rsatishni so‘ragan. Bundan so‘ng avvaliga janjal ko‘tarilgan, so‘ng mushtlashuv yuz bergan. 

Mushtlashuv oqibatida politsiyachilardan birining yuzi yorilgan, boshqasi ensasidan zarba yegan.

Migrantlar esa ushlanib, politsiya bo‘linmasiga yetkazilgan. Ularga nisbatan Rossiya federasiyasi JKning 318-moddasi (hukumat vakiliga nisbatan kuch ishlatish) bo‘yicha jinoyat ishi qo‘zg‘atilgan.

• Migratsiya
• Rossiya
• o‘zbek