Rossiyaning Leningrad viloyati Kudrovo shahridagi qurilish maydonchasida ikki nafar mehnat migranti halok bo‘ldi. Qayd etilishicha, ulardan biri o‘zbekistonlik ishchi bo‘lgan.

Ular turar-joy majmuasi fasadida ishlayotgan edilar. Bu haqda 22-fevral kuni huquq-tartibot idoralariga tayanib, “47news” nashri xabar berdi.

Bir kun avval, kechki soat sakkiz yarimlarda polisiyaga Kudrovodagi Markaziy ko‘cha, 8-uyda sodir bo‘lgan voqea haqida xabar kelib tushgan. Mahalliy qo‘riqchining aytishicha, soat 20:15 atrofida u hududni aylanib o‘tayotganda noma’lum tovushlarni eshitgan. Ilgari fasad lifti balandlikdan pastga qulagan. Halok bo‘lganlarning ikkinchisi tojikistonlik 18 yoshli ishchi bo‘lgan.

Ayni paytda polisiya va Leningrad viloyati Tergov qo‘mitasi voqea sabablarini o‘rganmoqda.

• O'lim
• Rossiya
• Yo‘l-qurilish