Rossiyaning Sankt-Peterburg shahrida o‘zbekistonlik sotuvchi tarvuzni arzonroq narxda sotishdan bosh tortgani uchun xaridor tomonidan pichoqlab ketildi.

Qayd etilishicha, voqea kecha, 13-avgust kuni Xudojnikov prospektidagi meva-sabzavot do‘konida sodir bo‘lgan. Noma’lum shaxs ushbu shoxobchada ishlaydigan 46 yoshli O‘zbekiston fuqarosining oldiga kelib, undan tarvuzni arzon narxda sotishini so‘ragan. Sotuvchi narxni tushirishga rozi bo‘lmagach, xaridor o‘zbekistonlikning oshqozon qismiga pichoq urgan. Shundan keyin erkak voqea joyidan qochib ketgan.

Jabrlanuvchi esa shifoxonaga yotqizilgan. Politsiya holatni o‘rganishni boshlagan. Hujum qilgan shaxs ayni damda qidirilayotgani aytilmoqda.

• Qotillik