Rossiyaning Novosibirsk shahrida qiyin ahvolda qolgan ayolning farzandiga tug‘ilganlik to‘g‘risidagi guvohnoma rasmiylashtirildi va ular O‘zbekistonga qaytarildi.

“O‘zbekiston Bosh konsulxonasi diplomatlari Rossiyaning Novosibirsk shahrida mushkul ahvolda qolgan fuqarolarning Toshkentga qaytishiga ko‘maklashdi”, – deb xabar qilmoqda Dunyo axborot agentligi.

Diplomatlar fuqaro M.T.ning Novosibirsk shahrida dunyoga kelgan qiz farzandi uchun tug‘ilganlik to‘g‘risidagi guvohnomani rasmiylashtirishda zarur yordam ko‘rsatdi. Amalga oshirilgan konsullik harakatlari natijasida barcha rasmiyatchiliklar qisqa muddatda hal etildi va zarur hujjatlar ayolga topshirildi.

Ona va bola 23-aprel kuni “Novosibirsk-Toshkent” aviareysi bilan O‘zbekistonga sog‘-salomat qaytgan.

• O‘zbekiston
• Rossiya
• Toshkent
• fuqaro