Rossiya Federatsiyasining Sankt-Peterburg shahriga ishlash uchun borib, qiyin ahvolda qolib ketgan ayol Oʻzbekistonga qaytarildi. Bu haqida Tashqi mehnat migratsiyasi agentligi matbuot xizmati xabar berdi.

Qayd etilishicha, Oʻzbekiston fuqarosi boʻlgan G.K. ismli ayol 2020-yilning mart oyida Rossiya Federatsiyasining Sankt-Peterburg shahriga vaqtinchalik mehnat faoliyatini amalga oshirish uchun boradi.

Shundan soʻng, farzandi bilan moliyaviy qiyin ahvolga tushib qoladi. Keyin esa Tashqi mehnat migratsiyasi agentligining Sankt-Peterburg shahridagi vakolatxonasiga yordam soʻrab murojaat qiladi.

Xabarga koʻra, agentlik tomonidan G.K. ga aviachipta olishda yordam koʻrsatilib, 4-iyul kuni Sankt-Peterburg – Toshkent yoʻnalishidagi aviareys orqali Oʻzbekistonga qaytarilgan.

• Migratsiya
• Rossiya
• muhojir