Oliy sud Rossiyada “Tolibon” harakati faoliyatini taqiqlashni to‘xtatdi. Bu haqda Ria Novosti nashri xabar berdi.

Sudya Oleg Nefedov “Rossiya federatsiyasi bosh prokuraturasining ma’muriy da’vo arizasini qondirilsin” – deya qarorni e’lon qilgan.

Majlis yopiq shaklda bo‘lib o‘tdi. Qaror darhol bajarilishi kerak, ammo shikoyat qilinishi mumkin.

Bosh prokuratura tushuntirish berishicha, dekabr oyida ma’muriy sud ishlarini yuritish kodeksiga va “terrorizmga qarshi kurash to‘g‘risida” federal qonunga kiritilgan o‘zgartirishlar sudga murojaat qilish uchun huquqiy asos bo‘ldi. Agar ular terrorizmni targ‘ib qilish, oqlash va qo‘llab-quvvatlashga yoki Rossiya manfaatlariga qarshi terroristik jinoyatlar sodir etishga qaratilgan faoliyatni to‘xtatgan bo‘lsa, terroristik tashkilotga nisbatan taqiqni to‘xtatishga imkon beradi.

“Ushbu holatlar sud majlisida tasdiqlandi va sud da’voning asosliligi to‘g‘risida xulosaga keldi”, - deya qo‘shimcha qildi nazorat idorasi.

• Rossiya
• Terrorizm
• Tolibon