Toshkent mintaqaviy temir yo‘l uzeli matbuot xizmatining xabar berishicha, “O‘zbekiston temir yo‘llari” aksiyadorlik jamiyati tomonidan “Voljskiy–Toshkent” yo‘nalishida 483-sonli maxsus yo‘lovchi poyezdining 8 marotaba qatnovi amalga oshiriladi.

"2021-yil 4-dekabr kuni soat 20:57 da “Voljskiy” temir yo‘l vokzalidan ushbu poyezdning birinchi reysi qatnovi boshlangan bo‘lsa, qolgan reyslari 6, 10, 13,17, 20, 24, 27-dekabr kunlari soat 20:57 da ushbu temir yo‘l vokzalidan harakatini amalga oshiradi", – deyiladi xabarda.

Qayd etilishicha, mazkur poyezdga chiptalar faqat bir tomonga, ya’ni “Voljskiy–Toshkent” yo‘nalishiga  sotiladi. Chiptalarni elektron tarzda ham sotish yo‘lga qo‘yilgan.

"Rossiyadagi yurtdoshlarimizning yaqinlari O‘zbekistonda turib, ularning shaxsini tasdiqlovchi hujjatining nusxasi bilan “O‘zbekiston temir yo‘llari” aksiyadorlik jamiyati veb-sayti orqali е-ticket.railway.uz dan chiptalarni elektron tarzda xarid qilib olib, jo‘natishlari ham mumkin", – deyiladi xabarda.

• O‘zbekiston
• Rossiya
• Temiryo‘l
• poyezd_qatnovi