Rossiya Prezidenti Vladimir Putin “Armiya-2022” forumining ochilish marosimida nutq so‘zlab, mamlakatning yangi avlod qurollari boshqa mamlakatlarnikidan o‘n yillar oldinda ekanligini ta’kidladi.

“Yangi avlod qurollari va tizimlari aholida alohida qiziqish uyg‘otadi. Bular yuqori aniqlikdagi qurollar, robototexnikaga asoslangan tizimlarga tegishlidir.

Ularning ko‘pchiligi yillar va ehtimol hattoki oʻnlab yillar davomida xorijlik hamkasblarini ortda qoldiradi”, – dedi Putin.

Uning fikricha, “Armiya-2022” forumi Rossiya harbiy mutaxassislariga harbiy-sanoat kompleksining taraqqiyotini ko‘rsatish uchun ajoyib imkoniyatdir.

Rossiya rahbari harbiy poligondagi taqdimotlar va “ERA” texnopolis mahsulotlari namoyishi mahalliy harbiy texnikalar ustunligining yaqqol dalili ekanligini ta’kidladi.

Shuningdek, Putin mamlakatning KXShT va ShHT davlatlari o‘rtasidagi muvaffaqiyatli texnologik hamkorligi Rossiya uchun katta muvaffaqiyat ekanligiga urg‘u berdi.

• KXShT
• Rossiya
• ShHT
• Ukraina