Kecha, 28-iyun kuni Madridda Turkiya prezidenti Rajab Toyyib Erdogʻan, Finlandiya prezidenti Sauli Niinistyo, Shvetsiya Bosh vaziri Magdalena Andersson va NATO Bosh kotibi Yens Stoltenberg ishtirokida toʻrt tomonlama yigʻilish boʻlib oʻtdi.

Muhokamalar matbuot uchun yopiq tarzda oʻtkazildi va ikki soat davom etdi. Unda Turkiya NATOning ochiq siyosatiga sodiqligini yana bir bor tasdiqladi. Madriddagi yig‘ilishda Turkiya Finlyandiya va Shvetsiyaning NATOga aʼzo boʻlish taklifini qoʻllab-quvvatlashga rozi bo‘ldi.

Yig‘ilish so‘ngida tomonlar qo'shma deklaratsiyaga imzo chekishdi. Unga ko‘ra, Finlyandiya va Shvetsiya Turkiyaga qarshi qaratilgan har qanday terror tashkilotining hujumlarini qoralaydi.

Shuningdek, ikki Skandinaviya davlati Kurdiston ishchilar partiyasi (PKK) va boshqa barcha terror tashkilotlari hamda ular bilan aloqador shaxslarning o'z hududlaridagi faoliyatining oldini olish majburiyatini oladi.

Memorandumga ko‘ra, Turkiya, Finlandiya va Shvetsiya terror tashkilotlari faoliyatining oldini olish maqsadida hamkorlikni kengaytirishga kelishib oldi.

• Finlandiya
• NATO
• Shvetsiya
• Turkiya