Transport va logistika xizmatlari bozori va infratuzilmasini rivojlantirish maqsadida Samarqand xalqaro aeroportiga 8 ta xorijiy aviakompaniya jalb qilinadi. Bu haqda 2022-2026 yillarga mo‘ljallangan taraqqiyot strategiyasini 2022-yilda amalga oshirish bo‘yicha “yo‘l xaritasi” loyihasida so‘z boradi.

Loyihaga ko‘ra, 2022-yilning martiga qadar Samarqand xalqaro aeroportini yirik transport xabiga aylantirish Chora-tadbirlar dasturi ishlab chiqiladi. Bunda:

- mahalliy yo‘nalishlar bo‘yicha parvozlar sonini haftasiga 7 tadan 20 tagacha, geografiyasini 4 ta yo‘nalishdan 5 tagacha oshirish;

- xalqaro yo‘nalishlar bo‘yicha parvozlar sonini haftasiga 25 tagacha, geografiyasini 4 ta yo‘nalishdan 8 tagacha oshirish;

Shuningdek, “Ochiq osmon” rejimini joriy etish hisobiga 8 ta xorijiy aviakompaniyani jalb qilish va 17 ta yangi muntazam xalqaro yo‘nalishlarni yo‘lga qo‘yishni nazarda tutadi.

• Loyiha
• Samarqand