Joriy yilning 1-iyun kuni Samarqand shahrida 11-sinf bitiruvchilari – Shohrux Boborahimov, Murod Saidalimov, Ozod O‘tkirov va Jasur Eshnazarov 4-qavat balkonidan tushib ketgan qizchaning hayotini saqlab qolishdi.

Qayd etilishicha, ular maktabdagi birinchi imtihonni topshirib, shahardagi ko‘p qavatli uylardan biri yonidagi skameykada suhbatlashib o‘tirgan vaqtda boshi panjara orasiga tiqilib qolib, tanasi havoda osilib turgan kichkina qizchani ko‘rishadi.

O‘quvchilardan biri darhol qizaloqning ota-onasiga xabar berish uchun tepa qavatga yugurgan, qolgan uch yigit esa qizaloq osilib qolgan balkon ostida tirik qutqaruv panjarasini hosil qilgan.

Qizaloq pastga qulaganidan so‘ng yigitlar uni tutib olishga muvaffaq bo‘lishgan. Keyinroq aniqlanishicha, onasi uy ishlari bilan ovora bo‘lib yurgan paytda, qizcha eshigining qulfi buzilgan balkonga chiqib olgan.

“Qizaloq peshonasidan yengil jarohat olgan va hozirda o‘zini yaxshi his qilyapti”, – deyiladi xabarda.

• Favqulodda holat
• Samarqand