Bosh prokuratura huzuridagi Departamentning Samarqand shahri bo‘limi tomonidan tadbirkorlik subyektlarining huquqlarini himoya qilish yuzasidan o‘tkazilgan tergovga qadar tekshiruvda “T.G.” MChJ Samarqand filiali haydovchi-ekspeditorlari F.S. va M.N. o‘zaro til biriktirib MChJga tegishli kolbasa va pishloq mahsulotlarini naqd pul va plastik kartalari orqali sotib, hujjatlarni qalbakilashtirish yo‘li bilan jami 1,7 mlrd so‘mni o‘zlarining shaxsiy ehtiyojlari uchun ishlatib yuborganliklari aniqlangan.
Mazkur holat yuzasidan Jinoyat kodeksining 167-moddasi (o‘zlashtirish yoki rastrata yo‘li bilan talon-toroj qilish) va 228-moddasi (hujjatlar, shtamplar, muhrlar, blankalar tayyorlash, ularni qalbakilashtirish, sotish yoki ulardan foydalanish) bilan jinoyat ishi qo‘zg‘atilib, tergov harakatlari o‘tkazilmoqda.
31°
Kechasi 18°
