Samarqandda noqonuniy ulanish natijasida energiya resurslarini o‘g‘irlash holatlarini aniqlashga qaratilgan nazorat tadbirlari davom etmoqda. Bu haqda Bosh prokuratura matbuot xizmati xabar berdi.

“S.M.” oilaviy korxona rahbari A. I. va mebel sexi ustasi A. N. sexni o‘zboshimchalik bilan elektr tarmog‘iga ulab, noqonuniy mayning faoliyati bilan shug‘ullanganligi aniqlandi.

Natijada 1,8 mlrd so‘mlik elektr energiyasi o‘g‘irlangan. Ushbu holat bo‘yicha A. I. va A. N. ga nisbatan Jinoyat kodeksining 169-moddasining 4-qismi, “a” bandi bo‘yicha jinoyat ishi qo‘zg‘atildi.

• O‘zbekiston
• Samarqand