Ularning vafotiga aroqdan zaharlanish sabab bo‘lgan bo‘lishi mumkin.

Samarqand shahrida 13 kishi qo‘lbola aroqdan zaharlanib o‘lgani haqida xabarlar tarqaldi. Bosh prokuratura axborot xizmati rahbari Hayot Shamsutdinovning Xabardor.uz’ga bergan dastlabki ma’lumotga ko‘ra, 5 kishi vafot etgan.

Ular shaharning turli mahallalarida yashovchi 63, 50, 72, 39 va 56 yoshdagi erkaklar bo‘lib, 11-yanvar kuni to‘rt nafari o‘z yashash xonadonida, yana biri shifoxonada vafot etgan. Qayd etilishicha, erkaklarning ba’zilari spirtli ichimlikka ruju quygan shaxslar bo‘lgan.

Ayni paytda holat yuzasidan tergovga qadar tekshiruv harakatlari olib borilmoqda. Marhumlarning o‘limi sababini aniqlash uchun ekspertiza tayinlangan.

• Samarqand
• Zaharlanish