Samarqand viloyat Yo‘l harakati xavfsizligi boshqarmasining xabar berishicha, viloyatda mashinasiga boshqa avtotransport vositasining davlat raqamini taqib yurgan haydovchi aniqlangan.

Xabarga ko‘ra, haydovchi Lacetti mashinasiga Damas rusumli avtomobilga berilgan davlat raqamini taqib olgan va yo‘llarda ko‘p marotaba tezlik qoidalarini buzgan.

Xususan, avtomobil egasi 2024-yilning yanvar oyidan shu paytga qadar jami 76 marta mashina tezligini belgilangan me’yordan oshirgani radar qurilmalariga qayd etilgan.

Viloyat IIB YHXB tomonidan haydovchiga nisbatan ma’muriy bayonnoma rasmiylashtirilgan. Qarzdorlikni undirish maqsadida Lacetti vaqtincha jarima maydonchasiga joylashtirilgan.

Qayd etilishicha, jarimalarning jami miqdori taxminan 50 million so‘m atrofida bo‘lgan.

• Samarqand