Samarqand viloyati Payariq tumanida yashovchi 29 yoshli N.T. Kiberxavfsizlik markaziga ariza bilan murojaat qilib, plastik kartasidan 8.542.500 soʻm miqdoridagi puli nomaʼlum shaxs tomonidan yashirin tarzda talon-toroj qilinganligini maʼlum qilgan.

Oʻtkazilgan tezkor-qidiruv tadbirlari natijasida, ushbu jinoyatni N.T.ga tanish boʻlgan Samarqand viloyati, Nurobod tumanida yashovchi 29 yoshli A.A. tomonidan, N.T.ga tegishli boʻlgan mobil qurilmani qoʻlga kiritib, unga oʻrnatilgan ilova orqali pullarni boshqa plastik kartaga oʻtkazganligi hamda oʻgʻirlangan pul mablagʻlarini “1Xbet” tavakkalchilikka asoslangan qimor oʻyiniga tikib yuborganligi aniqlangan.

Maʼlum qilinishicha, jinoyat sodir etgan A.A. Oʻzbekiston Respublikasi JKning 169-moddasi 3-qismi bilan jinoiy javobgarlikka tortilgan.

• Kiberxavfsizlik
• Qimor
• Samarqand