Samarqand viloyati Pastdargʻom tumanida joylashgan “Samarqand gaz toʻldirish stansiyasi”dan surunkali ravishda “Nurobod gaz servis” MChJga qarashli “DAF” rusumli 20 tn sigʻimli yuk avtomashinasida aholi xonadonlariga ajratilgan imtiyozli narxdagi suyultirilgan uglevodorodli gazni yashirin ravishda talon-toroj qilib kelgan jinoiy uyushma faoliyati fosh etildi.

Qayd etilishicha, holat boʻyicha JKning 169-moddasi 4-qismi “v” bandi bilan qoʻzgʻatilgan jinoyat ishi tergovining birinchi kunida 6 nafar jinoiy uyushma aʼzolariga nisbatan “qamoq” ehtiyot chorasi qoʻllanildi. Bu raqamlar koʻlami kengayishi kutilmoqda.

Tezkor maʼlumotlarga koʻra, mazkur jinoiy uyushmaga bir qator mansabdor shaxslar va huquqni muhofaza qiluvchi organ xodimlari rahnamolik qilib kelishgan.

Maʼlum qilinishicha, Jinoyat ishi tergovi shaxsan Samarqand viloyati 2-sektor rahbari — viloyat prokurori R.Masharipovning nazoratiga olingan.

• Gaz