Samarqandda joylashgan oʻquv markazlaridan biri oʻquvchilari oʻrtasida ommaviy janjal sodir boʻldi. Bu haqida Samarqand viloyati IIB matbuot xizmati xabar berdi.

Kecha, 5-iyul kuni soat 19:30 larda Samarqand viloyatining Dahbed koʻchasida joylashgan oʻquv markazlaridan birining oʻquvchilari oʻrtasida tushunmovchilik kelib chiqqan va ommaviy janjalga aylangan.

Qayd etilishicha, hodisa joyiga IIB xodimlari tezkorlik bilan yetib kelishgan va janjal bartaraf etilgan.

Shuningdek, janjalda qatnashgan fuqarolar hududiy IIB ga olib kelingan va holat tegishli tartibda rasmiylashtirilgan.

Janjal uyushtirganlar aynan qaysi oʻquv markazining tarbiyalanuvchilari ekanligiga aniqlik kiritilmagan.

Hozirda Samarqand shahar boʻyicha IIO FMB tomonidan tergovga qadar tekshiruv harakatlari olib borilmoqda.

• IIB
• Samarqand