Avvalroq, Samarqand viloyatining Urgut tumanida ona o‘z farzandini o‘lasi qilib kaltaklagani haqida xabar berilgan edi. Viloyat IBB hodisaning tafsilotlarini ochiqladi.

Qayd etilishicha, joriy yil 24-dekabr kuni Urgut tumani Vatak mahallasida yashovchi fuqaro G.O. Rossiya Federatsiyasida ishlash maqsadida ketgan turmush o‘rtog‘i bilan telefon orqali muloqot qilish jarayonida, o‘rtalarida o‘zaro kelishmovchilik kelib chiqqan.

Shundan so‘ng, ayol turmush o‘rtog‘iga jahl qilib, o‘zining voyaga yetmagan farzandini urib, holatni telefon apparatida videotasvirga olgan. Keyin, ushbu videoni turmush o‘rtog‘iga yuborib, voyaga yetmagan farzandlarini o‘ldirish bilan qo‘rqitgan.

“Hozirda jabrlanuvchining ahvoli yaxshi bo‘lib, shifokorlar kuzatuvida”,– deyiladi IIB xabarida.

Ushbu holat yuzasidan Urgut tumani IIB huzuridagi Tergov bo‘limi tomonidan G.O.ga nisbatan O‘zbekiston Respublikasi JKning 110-moddasi 2-qismi va 112-moddasi 1-qismi bilan jinoyat ishi qo‘zg‘atilgan.

Jinoyat ishi viloyat IIB nazoratiga olingan.

• Kaltaklash
• Samarqand