Ma’lum qilinishicha, shu kuni soat 14:20 da tumanning “Navro‘z” mahallasi Amir Temur ko‘chasida joylashgan “Lazzat” oshxonasida chaqnash sodir bo‘lgan. FVV bergan xabarda aytilishicha, voqea joyida 2 ta propan gaz balloni ham bor bo‘lgan.

Chaqnash oqibatida oshxonaning taxminan 40 kvadrat metr maydonida shift qismi va jihozlar yongan. Dastlabki ma’lumotlarga ko‘ra, 10 nafar fuqaro tan jarohati olib, tuman shifoxonasiga olib borilgan.

Qayd etilishicha, yong‘in-qutqaruv ekipaji soat 14:23 da hodisa joyiga yetib borib, 14:29 da yong‘in hududini qurshab olgan va soat 14:54 da holat bartaraf etilgan.

Voqea joyiga viloyat hamda tuman FV bo‘limi rahbar xodimlari, IIB, Prokuratura, tibbiyot, gaz xizmati xodimlari va 2 ta yong‘in-qutqaruv ekipaji jalb etilgan.

“Sodir bo‘lgan holat yuzasidan dastlabki tergovoldi surishtiruv ishlari olib borilgan”, — deyiladi xabarda.

• Samarqand