Samarqandda fuqaroga texnikumni tamomlaganligi haqida diplom olib berishni va’da qilgan direktor o‘rinbosari ushlandi.

Bosh prokuratura huzuridagi Iqtisodiy jinoyatlarga qarshi kurashish departamentining ma’lum qilishicha, Departamentning Samarqand viloyati Urgut tuman bo‘limi tomonidan IIB xodimlari bilan hamkorlikda tezkor tadbir o‘tkazilgan.

Tezkor tadbirda “Gulobod agrobiotexnologiyalar texnikumi” direktori o‘rinbosari I.Sh. fuqaro U.ni texnikumga o‘qishga kiritib, 2021–2022-o‘quv yili yakuni bilan unga diplom olib berishni va’da qilib, evaziga 1 000 AQSh dollarini firibgarlik yo‘li bilan olgan vaqtida ashyoviy dalillar bilan ushlangan.

Mazkur holat yuzasidan Jinoyat kodeksining 168-moddasi (firibgarlik) bilan jinoyat ishi qo‘zg‘atilib, tergov harakatlari o‘tkazilmoqda.

• Prokuratura
• Samarqand