$
11902.30 UZS
20.7
152.18 UZS
1.13
13780.48 UZS
31.09
31° Kechasi 18°

“Samsung Galaxy S23”ning reklama suratlari ijtimoiy tarmoqlarda sizdirildi (foto)

17:14 / 18.01.2023

“Samsung” kompaniyasi “Galaxy S23” flagman smartfonlarining faqat joriy yilning fevral oyi boshlaridagina rasmiy e’lon qilinishi kutilmoqda, biroq har kuni yangi mahsulotlar haqida ko‘proq ma’lumotlar Internetda paydo bo‘la boshladi. Shunday qilib, tom ma’noda, bugungi kunda insayderlar qurilmalarning reklama renderlarini ijtimoiy tarmoqlarda sizdirishmoqda.

Oldindan tanish bo‘lgan dizaynga oid barcha tafsilotlar tasdiqlandi. Smartfonlar avvalgilaridan faqat orqa tarafdagi asosiy fotomodulning o‘zgacha dizayni bilan farq qiladi, garchi linzalarning joylashuvi o‘zgarmagan bo‘lsa-da.

“Galaxy S23” va “S23+” an’anaviy ravishda faqat ekran o‘lchamida farqlanadi, “Galaxy S23 Ultra” esa shakli va kamerasidagi farq bilan ajralib turadi. Shuningdek, ikkinchisi yana “Galaxy Note” seriyasidan meros bo‘lib qolgan raqamli stilusga (boshqaruv ruchkasi) ega bo‘ladi.

Ultra modellari, shuningdek, eng so‘nggi 200 megapikselli kameraga ega bo‘lib, u piksellarni birlashtirib, 12 megapikselli ruxsat bilan ajoyib darajada aniq suratga olish imkonini beradi.

Mish-mishlarga ko‘ra, barcha “Galaxy S23” qurilmalarining asosiy xususiyatlaridan biri “iPhone 14” kabi sun’iy yo‘ldosh aloqalarini qo‘llab-quvvatlash bo‘ladi.

Avvalroq, “Samsung” o‘zining yangi flagmanlarini 2023-yil boshida namoyish qilishi kutilayotgani xabar qilingan edi.

Flagman “Snapdraon 8 Gen 2” chipi bilan jihozlangan bo‘ladi. Mish-mishlarga ko‘ra, kompaniya bu safar telefonning “Exynos” versiyasini chiqarishni rejalashtirmagan.

“Galaxy S23 Ultra” shuningdek:

3088×1440 piksellar soniga va 1-120 Gs yangilanish tezligiga ega 6,8 dyuymli Dinamik Amoled ekran;
8 yoki 12 GB operativ xotira va 128, 256, 512 GB yoki 1 TB doimiy xotirasi;
12 megapikselli keng burchakli kamera, 3x optik zum uchun 10 megapikselli telefoto linza va 10x zum uchun periskop;
f/2.2 diafragma bilan 40 megapikselli old kamera;
45 Vt tez zaryadlash va 15 Vt simsiz zaryadlash bilan 5000 mA/soat batareya;
chang va suvga chidamlilik (IP 68).

Qayd etish mumkin, dastlabki ma’lumotlarga ko‘ra smartfon narxi modeliga qarab 799 – 1249 AQSH dollari atrofida bo‘ladi.

“Samsung” Janubiy Koreya kompaniyalar guruhi bo‘lib, dunyoning eng yirik elektronika ishlab chiqaruvchilaridan biri hisoblanadi. Kompaniya 1938-yilda tashkil etilgan. U jahon bozorida yuqori texnologiyali butlovchi qismlar, jumladan, integral mikrosxemalar, telekommunikasiya uskunalari, maishiy texnika, audio va video qurilmalarni to‘liq siklli ishlab chiqaruvchi korxona sifatida tanilgan. Kompaniyaning bosh ofisi Seul shahrida joylashgan.

“Samsung” so‘zi koreys tilida “uch yulduz” degan ma’noni anglatadi. Ehtimol, bu ism kompaniya asoschisi Li Byon Chulning uch nafar o‘g‘li bilan bog‘liq bo‘lishi mumkin, ularning eng kichigi Li Gong Xi kompaniyani 1987-yilda barcha Sharqiy meros an’analarini buzgan holda egallab olgan, unga ko‘ra to‘ng‘ich o‘g‘li oila mulkining katta qismini meros qilib olishi kerak bo‘lgan. “Samsung”ning daromadi 2019-yilda 305 milliard dollar, 2020-yilda 107 milliard dollar va 2021-yilda 236 milliard dollarni tashkil qilgan. Kompaniyaning 2022-yilgi moliyaviy hisobot natijalari hali e’lon qilinmagan.


Bu ham qiziq

Shavkat Mirziyoyev BAAning hukumat delegatsiyasi bilan uchrashdi

Shavkat Mirziyoyev BAAning hukumat delegatsiyasi bilan uchrashdi

Prezident Shavkat Mirziyoyev 28-noyabr kuni Birlashgan Arab Amirliklari Hukumat ishlari bo‘yicha vaziri Muhammad bin Abdullo…
12:14 / 28.11.2025
30-noyabr kungi ob-havo ma’lumoti

30-noyabr kungi ob-havo ma’lumoti

O‘zbekiston Respublikasi Gidrometeorologiya xizmati agentligining xabar berishicha, 30-noyabr kuni Toshkentda havo o‘zgarib …
16:01 / 29.11.2025
NASA Oyga superog‘ir raketa uchiradi

NASA Oyga superog‘ir raketa uchiradi

Kelgusi haftalarda Kennedi bazasida uchishdan oldingi mashg‘ulot o‘tkaziladi. Ekipaj skafandrlarni kiyib, raketa oldiga yo‘l…
16:43 / 27.11.2025
Andijonda 2 nafar narkosavdogar 4508 dona “Regapen” bilan qo‘lga tushdi

Andijonda 2 nafar narkosavdogar 4508 dona “Regapen” bilan qo‘lga tushdi

Davlat xavfsizlik xizmati, Ichki ishlar va Bojxona organlari xodimlari hamkorligida Farg‘ona shahrida ularni qo‘lga olish ta…
08:22 / 29.11.2025
28-noyabr kuni kutilayotgan ob-havo ma’lumoti

28-noyabr kuni kutilayotgan ob-havo ma’lumoti

28-noyabr kuni Toshkentda havo o‘zgarib turadi, yog‘ingarchilik kutilmaydi. Sharqdan sekundiga 3-8 metr tezlikda shamol esad…
16:28 / 27.11.2025
Farg‘onada qalin tuman sabab bir nechta YTH sodir bo‘ldi

Farg‘onada qalin tuman sabab bir nechta YTH sodir bo‘ldi

Mazkur holat yuzasidan viloyat  IIB JXX Yo‘l harakati xavfsizligi boshqarmasi rasmiy munosabat bildirdi.
14:51 / 29.11.2025
Maktab direktoriga zo‘ravonlik qilgan Furqat IIB sobiq rahbari va o‘rinbosari 4 yilga qamaldi

Maktab direktoriga zo‘ravonlik qilgan Furqat IIB sobiq rahbari va o‘rinbosari 4 yilga qamaldi

Bu haqda Farg‘ona viloyati sudlari matbuot xizmati xabar bermoqda.
09:09 / 29.11.2025
Ko‘zga ko‘rinmaydigan zarar

Ko‘zga ko‘rinmaydigan zarar

Yuk ustiga o‘rnatilgan tartibda tent yopmasdan harakatlanish bilan bog‘liq 243 ta holat aniqlandi.
11:25 / 28.11.2025
Tramp Baydenning ko‘plab farmonlarini bekor qiladi

Tramp Baydenning ko‘plab farmonlarini bekor qiladi

Donald Tramp avval ham Baydenning afv etish to‘g‘risidagi qarorlari haqiqiy emasligini, chunki ular sobiq prezidentning xaba…
14:23 / 29.11.2025
Tramp Maduro bilan uchrashishni muhokama qilgan – manba

Tramp Maduro bilan uchrashishni muhokama qilgan – manba

Bu haqda New York Times xabar berdi.
09:50 / 29.11.2025

O‘zbekiston va jahonda ro‘y berayotgan eng so‘nggi voqea-hodisalar, sport, shou-biznes, madaniyat, informatsion texnologiyalar va ilm-fan yangiliklaridan doimo xabardor bo‘ling!

O‘zbekiston va jahonda ro‘y berayotgan eng so‘nggi voqea-hodisalar, sport, shou-biznes, madaniyat, informatsion texnologiyalar va ilm-fan yangiliklaridan doimo xabardor bo‘ling!