Samsung kompaniyasining global sarmoyalarni o‘zida birlashtirgan Samsung Next shirkati Isroildagi 70 ta startap loyihani qaytarib olish va ushbu bozordan chiqib ketishga qaror qildi, deya xabar bermoqda “TRT”.

Qayd etilishicha, kompaniyaning ketishiga sabab sifatida Isroilning G‘azo sektoriga hujumlari va foyda marjasining pasayishi sabab bo‘lgan. BDS (Boycott, Divestment and Sanctions) harakati saytidagi hisobotga ko‘ra, Samsung foydasi o‘tgan yilga nisbatan 56 foizga kamaygan.

Qayd etish joizki, dunyo bo‘ylab o‘t ochishni to‘xtatish chaqiriqlariga qaramay, Isroil G‘azoda tinch aholiga nisbatan harbiy amaliyotlarini davom ettirmoqda. Natijada qator yirik kompaniyalar Isroilda ishlab chiqarishni cheklash yoki kamaytirishga qaror qilmoqda.

• Isroil
• Samsung