Tadbirkor Alisher Usmonov badiiy gimnastika bo‘yicha murabbiy Irina Viner Usmonova bilan ajrashish uchun bergan arizasini qaytarib oldi. Bu haqda “RIA Novosti” xabar berdi.

Tadbirkor 4-may kuni ajrashish to‘g‘risidagi da’vo arizasi bilan chiqqan. Biroq ikki hafta o‘tgach, tomonlar vakillari suhbat o‘tkazdi, shundan so‘ng juftlikka yakuniy qaror qabul qilish uchun vaqt berilgan.

Usmonov Rossiyaning Ukrainadagi bosqini boshlanganidan keyin AQSH, Buyuk Britaniya va Yevropa Ittifoqi tomonidan sanksiyalarga uchradi. Tadbirkor bu davlatlarning qarorini adolatsiz deb atadi va ular uning “sha’ni, qadr-qimmati va ishbilarmonlik obro‘siga” putur yetkazuvchi “soxta va asossiz ayblovlar” qo‘yganini aytdi. May oyida u Yevropa Ittifoqining sanksiyalar ro‘yxatiga kiritilishi yuzasidan shikoyat kiritishga qaror qildi.

Ma’lumot o‘rnida, Alisher Usmonov va Irina Viner 1992-yilda turmush qurishgan.

• Ajrim
• Alisher Usmonov