31°
Kechasi 18°
Saudiya Arabistonining “Podshoh Salmon” nomidagi insonparvarlik yordami markazi yurtimizga beg‘araz ko‘mak sifatida 25 tonna xurmo mevasini hadya qildi. Bu haqda Vaqf.uz xabar berdi.
Xabarda aytilishicha, hadya qilingan xurmo mevalari “Vaqf” xayriya jamoat fondining Qoraqalpog‘iston Respublikasi, viloyatlar va Toshkent shahridagi filiallari tomonidan ijtimoiy ko‘makka muhtoj, boquvchisini yo‘qotgan, yetim, nogironligi bor kishilar hamda “Muruvvat” uylari va shifoxonalardagi haqdor yurtdoshlarimizga xayriya qilinadi.
Xurmolarni Saudiya Arabistonining O‘zbekistondagi elchisi Yusuf Solih Algahra O‘zbekiston musulmonlari idorasi raisining o‘rinbosari Zayniddin domla Eshonqulov, Diniy idora raisining Iqtisod ishlari bo‘yicha maslahatchisi Alisher Eshimov va “Vaqf” xayriya jamoat fondi rahbari Isoxon Abdullayevga topshirdi.
Ushbu hadyalarni topshirish marosimida “Podshoh Salmon” nomidagi insonparvarlik yordami markazi vakillari Adnan Xatim Asiriy va Alaqil Abdulhakim Sa’ad ham ishtirok etgan.
O‘zbekiston va jahonda ro‘y berayotgan eng so‘nggi voqea-hodisalar, sport, shou-biznes, madaniyat, informatsion texnologiyalar va ilm-fan yangiliklaridan doimo xabardor bo‘ling!
O‘zbekiston va jahonda ro‘y berayotgan eng so‘nggi voqea-hodisalar, sport, shou-biznes, madaniyat, informatsion texnologiyalar va ilm-fan yangiliklaridan doimo xabardor bo‘ling!
