Eron va Saudiya Arabistoni rasmiylari ikki mamlakat o‘rtasidagi munosabatlarni normallashtirishga kelishib oldi. Ular ikki oy ichida elchixonalar ochishni rejalashtirmoqda. Bu haqda “Tasnim” agentligi xabar berdi.
Ma’lum qilinishicha, bir necha kun davomida Pekinda Eron Milliy xavfsizlik oliy kengashi kotibi Ali Shamxoniy va uning saudiyalik hamkasbi muzokara olib borgan. Natijada uch tomonlama bayonot qabul qilingan. Tehron va Ar-Riyod maksimal ikki oy ichida diplomatik munosabatlarni tiklash va elchixonalarni qayta ochishga kelishib oldi.
“Muzokaralar yakunlariga ko‘ra, Eron Islom Respublikasi va Saudiya Arabistoni Qirolligi ikki oy muddatda diplomatik munosabatlarni tiklash, elchixonalar va vakillik organlarini ochishga qaror qildi”, – deyiladi xabarda.
Hujjatda ta’kidlanganidek, munosabatlarni normallashtirish bo‘yicha yakuniy kelishuvga XXR raisi Si Szinpin tashabbusi bilan, shuningdek, Ummon va Iroq vositachiligida erishilgan bo‘lib, 2021-yil aprelida Tehron – Ar-Riyod muzokaralari maydoniga aylandi.
Qayd etilishicha, ikki davlat suverenitet va bir-birining ichki ishlariga aralashmaslik tamoyillariga sodiq. Shuningdek, 2001-yil 17-aprelda imzolangan xavfsizlik to‘g‘risidagi bitim, savdo, iqtisodiyot, madaniyat, fan, texnologiya va boshqa sohalarda hamkorlik to‘g‘risidagi 1998-yil 27-mayda imzolangan bitimni amalga oshirishga intiladi.
O‘zbekiston va jahonda ro‘y berayotgan eng so‘nggi voqea-hodisalar, sport, shou-biznes, madaniyat, informatsion texnologiyalar va ilm-fan yangiliklaridan doimo xabardor bo‘ling!
O‘zbekiston va jahonda ro‘y berayotgan eng so‘nggi voqea-hodisalar, sport, shou-biznes, madaniyat, informatsion texnologiyalar va ilm-fan yangiliklaridan doimo xabardor bo‘ling!