Kecha, 6-iyun kuni Saudiya Arabistoni poytaxti Ar-Riyod shahrida Eron Islom Respublikasi elchixonasi ochildi. Bu haqda “Al-Arabiya” telekanali xabar berdi.
Ochilish marosimida Eron va Saudiya Arabistoni tashqi ishlar vazirliklari vakillari ishtirok etdi. Marosimda Eronning Saudiya Arabistonidagi yangi elchisi Alirizo Enayati ham qatnashdi. Ilgari u Eron tashqi ishlar vaziri yordamchisi lavozimida ishlagan.
Tehron va Ar-Riyod iqtisodiyotning turli sohalarida aloqalarni tiklashga kelishib olganidan uch oy o‘tib, Eron diplomatik missiyasi ishi tiklandi. Xabarlarga ko‘ra, kelishuvga Xitoy vositachiligida erishilgan.
Qayd etish mumkin, Eron va Saudiya Arabistoni munosabatlarini 2016-yilda uzgan. O‘shanda Saudiya Arabistonining Erondagi diplomatik vakolatxonalariga uyushtirilgan qator hujumlardan so‘ng, Eron va Saudiya Arabistoni diplomatik munosabatlarni uzgan edi.
O‘zbekiston va jahonda ro‘y berayotgan eng so‘nggi voqea-hodisalar, sport, shou-biznes, madaniyat, informatsion texnologiyalar va ilm-fan yangiliklaridan doimo xabardor bo‘ling!
O‘zbekiston va jahonda ro‘y berayotgan eng so‘nggi voqea-hodisalar, sport, shou-biznes, madaniyat, informatsion texnologiyalar va ilm-fan yangiliklaridan doimo xabardor bo‘ling!