Saudiya Arabistonida ogʻir atletika boʻyicha jahon chempionati oʻz yakuniga yetdi. Unda Oʻzbekiston jamoasi 4 ta oltin, 2 ta kumush va 1 ta bronza medalini qoʻlga kiritdi.

Barcha medallar erkaklar terma jamoasi tomonidan jamgʻarildi va Xitoydan soʻng ikkinchi, ochkolar klassifikatsiyasi boʻyicha esa Armaniston, Xitoy, Eron, Kolumbiyadan soʻng beshinchi pogʻonadan joy egalladi.

Ahamiyatlisi, mazkur musobaqa Parij-2024 Olimpiadasi yoʻlida litsenzion xarakterga ega boʻlgan musobaqa hisoblanadi.

Shohsupaga koʻtarilgan sportchilar:

Oltin:

-81 kg: Muhammadqodir Toshtemirov (dast koʻtarish)

-109 kg: Akbar Joʻrayev (dast koʻtarish)

-109 kg: Ruslan Nuriddinov (siltab koʻtarish)

-109 kg: Akbar Joʻrayev (ikki kurash)

Kumush:

-109 kg: Akbar Joʻrayev (siltab koʻtarish)

-109 kg: Ruslan Nuriddinov (ikki kurash)

Bronza:

-81 kg: Muhammadqodir Toshtemirov (ikki kurash).

Endi terma jamoa Osiyo o‘yinlarida ishtirok etish uchun Saudiya Arabistonidan Xitoyga yo'l oladi.

• Jahon chempionati
• Saudiya Arabistoni
• Sport
• Xitoy