Indoneziyaning Sharqiy Yava (Yava oroli) provinsiyasida joylashgan Semeru vulqoni kecha, 4 dekabr kuni harakatga kelgandi. Vulqon faollashuvi mahalliy vaqt bilan 15:20 da (Toshkent vaqti bilan 13:20 da) qayd etilgan.

Vulqon otilishi tufayli qurbon bo‘lganlar soni 13 nafarga yetgan.

Mahalliy hokimiyat vakilining so‘zlariga ko‘ra, 13 ta odamdan 2 tasining kimligiga aniqlik kiritilgan. Bundan tashqari o‘nlab odamlar jarohatlangan va shifoxonalarga joylashtirilgan. Ularning asosiy qismi kuyish bilan jarohatlangan.

Bundan tashqari Kura Kerobokan qishlog‘idagi o‘nlab odamlar qotib qolgan lava tufayli o‘z uylarida qamalib qolganlar. Qutqaruvchilar ularni topish va qutqarish ishlari bilan shug‘ullanmoqdalar. Hozirgacha 10 nafar qishloq odami qotgan lava ostidan olib chiqilgan.

• Indoneziya
• Vulqon