Tanzila Narbayeva Sankt-Peterburg shahrida MDH Parlament Assambleyasi Kengashi majlisida ishtirok etdi. Bu haqda Oʻzbekiston Respublikasi Oliy Majlisi Senati xabar berdi.

Qayd etilishicha, 2021-yil 25-noyabr kuni Oʻzbekiston Respublikasi Oliy Majlisi Senati Raisi Tanzila Narbayeva Mustaqil Davlatlar Hamdoʻstligi Parlament Assambleyasi Kengashining majlisida MDH ishtirokchisi davlatlarida model va milliy qonunchilik, parlamentarizmni rivojlantirish, demokratiya va konstitutsiyaviy tuzumni mustahkamlash, fuqarolar huquq va erkinliklarini taʼminlashga qoʻshgan alohida hissasi uchun MDH PAning “Parlament hamkorligini mustahkamlash uchun” medali bilan taqdirlangan.

Taʼkidlanishicha, majlisda Oʻzbekiston Prezidenti sayloviga yuqori baho berilgan. Saylov xalqaro andozalarga muvofiq ochiq, demokratik va shaffof oʻtganligi aytilgan.

• O‘zbekiston
• Senat