Oregon shtatidan AQSH senatori Jeff Myorkli tarixda ilk bor AQSH Senatiga Falastin davlatini rasman tan olish bo‘yicha rezolyutsiya taqdim etdi. Unga 7 nafar demokrat senator va 1 mustaqil senator qo‘shildi.

Rezolyutsiya mazmuni:

AQSh prezidentini Falastinni mustaqil, demilitarizatsiya qilingan davlat sifatida tan olishga chaqiriladi.

Ikki davlatli yechim – ya’ni Isroil va Falastin bir vaqtda tinch hayot kechiradigan yechim qo‘llab-quvvatlanadi.

G'azodagi insonparvarlik inqirozini yengish, tinchlik va adolatni ta’minlash muhimligi ta’kidlanadi.Garchi rezolyutsiya qonuniy majburiyat yuklamasa-da, u Vashingtonda Falastinni tan olish masalasini kun tartibiga olib chiqishda katta siyosiy qadam bo‘ldi.

Rezolyutsiya 2025-yil 18-sentyabr kuni Senatga rasman kiritildi.

Bu tashabbus dunyodagi ko‘plab davlatlar Falastinni tan olayotgan, hamda BMTda Falastinga videomurojaat orqali qatnashish imkoni berilgan bir paytda yuzaga chiqdi.

• AQSh
• BMT
• Falastin