Bu haqda AFP xabar bermoqda.

“Isroil bilan muzokaralarda oldinga siljish kuzatilmoqda. Yil oxirigacha bir qancha kelishuvlarga erishiladi, bu birinchi navbatda harbiy va xavfsizlik sohalarida”, — deya xabar bergan agentlik manbasi.

Suriyaning muvaqqat prezidenti Ahmad ash-Shara ham Suriya va Isroil o‘rtasidagi muzokaralar xavfsizlik bo‘yicha kelishuvga olib kelishi mumkinligini aytdi. Uning so‘zlariga ko‘ra, Isroil bilan xavfsizlik bo‘yicha muzokaralar zarur va yaqin kunlarda natija berishi mumkin.

Ash-Shara potensial kelishuv Isroil yillar davomida bir necha bor buzgan Suriya havo hududi xavfsizligi hamda mamlakatning hududiy yaxlitligini o‘z ichiga olishi kerakligini ta’kidlagan. Uning ma’lum qilishicha, AQSh Suriyaga Isroil bilan kelishuvga erishish uchun bosim o‘tkazmagan, balki vositachi bo‘lgan.

• Bitim
• Isroil
• Suriya