Joriy yilning 26-sentyabr kuni soat 01:00 larda Sergeli tumani Xonobod ko‘chasi 12 bekat qarshisida 2002-yilda tug‘ilgan S.B. boshqaruvida bo‘lgan davlat raqami 10 V 097 VA belgili MAN rusumli yukmashinasi, 2001-yilda tug‘ilgan D.Sh. boshqaruvida bo‘lgan davlat raqami 01 F 314 YB belgili Cobalt rusumli avtomashinasi hamda 1957-yilda tug‘ilgan Sh.F. boshqaruvida bo‘lgan davlat raqami 75 565 LAA belgili HOWO rusumli yukmashinalari ishtirokida yo‘l transport hodisasi sodir bo‘lgan.

YTH natijasida MAN hamda HOWO rusumli yuk mashinasi haydovchilari tan jarohat olgan va shifokorlar tomonidan birinchi yordam ko‘rsatilgan.

Holat yuzasidan Toshkent shahar IIBB YHXB mas’ul xodimlari tomonidan surishtiruv harakatlari olib borilmoqda.

• Sergeli
• Toshkent
• YTH
• Yuk_avtomobil