Bugun, 29-noyabr kuni soat 05:05da Toshkent shahri Sergeli tumani, Nilufar 3-tor ko‘chasida “Uzmill” MChJ hududida joylashgan  ishchilar yotoqxonasida yong‘in sodir bo‘lgani haqida xabar berilgan edi. 

Dastlabki ma’lumotlarga ko‘ra, ushbu yong‘inga gaz quvurlarining nosozligi tufayli xonaga gaz to‘planishi va buning oqibatida havo-gaz aralashmasining chaqnashi sabab bo‘lgan.

Sog‘liqni saqlash vazirligi Matbuot xizmatining ma’lum qilishicha, ushbu noxush hodisa tufayli jabrlanganlarning salomatligi nazoratga olingan. Xususan, yong‘in natijasida turli darajadagi kuyish tan jarohatlarini olgan 18 nafar fuqaro darhol Respublika shoshilinch tibbiy yordam ilmiy markaziga joylashtirilgan.

Ayni paytda barcha bemorlarga belgilangan standartlar bo‘yicha zarur tibbiy yordam ko‘rsatilib, muolaja jarayonlari davom etmoqda.

So‘nggi ma’lumotlarga ko‘ra, yong‘indan jabrlangan shaxslarning barchasi erkak kishi bo‘lib, ularning 10 nafari reanimatsiya bo‘limida davo mulojalarini olmoqda. 

• FVV
• Toshkent
• Yon‘in