Ijtimoiy tarmoqlarda Toshkent shahri Sergeli tumanida “Imzo” kompaniyasiga tegishli sex yonayotgani aytilgan videolar tarqaldi. Favqulodda vaziyatlar vazirligi holat yuzasidan ma’lumot berdi.

Ma’lum bo‘lishicha, 31-may kuni soat 18:11 da Nilufar ko‘chasida joylashgan syexda yong‘in sodir bo‘layotgani to‘g‘risida shahar Favqulodda vaziyatlar boshqarmasiga xabar kelib tushgan. Shunga ko‘ra, 6 ta yong‘in-qutqaruv ekipaji, 2 ta maxsus texnika zudlik bilan voqea joyiga yetib borib, yong‘in soat 18:28 da qurshab olingan, ayni vaqtda yong‘inni to‘liq bartaraf etish ishlari olib borilmoqda. 

• FVV
• Toshkent
• yong‘in