Manbalarga ko‘ra, pensiya yoshini erkaklar uchun 63, ayollar uchun esa, 58 yoshga oshirish taklif qilindi. Ta’kidlanishicha, bu holat har olti oyda oshib borishi reja qilingan. Bu haqda 10-sentyabr kuni iqtisodiyot va moliya vazirligi huzuridagi byudjetdan tashqari pensiya jamg‘armasi ijrochi direktori Murod Otajonov ma’lum qildi.

Bu islohot loyihasi pensiyaning minimal yoshini oshirishni nazarda tutadi.

Murod Otajonovning ta’kidlashicha, dunyoning ko‘plab mamlakatlarida eng kam pensiya yoshi 65 yoshdan oshgan. O‘zbekistonda bu ko‘rsatkich “fuqarolarning davlat pensiya ta’minoti to‘g‘risida”gi qonun qabul qilinganidan beri 32 yil davomida oshmagan.

“Faqat O‘zbekiston qoldi, boshqa davlatlar esa allaqachon pensiya yoshini oshirgan. O‘zbekistonda umr ko‘rish davomiyligi oshib borayotganini ta’kidlash kerak. Sog‘liqni saqlash vazirligining ma’lumotlariga ko‘ra, bugungi kunda u 75 yoshga etadi. Agar 20 yil oldin nafaqaxo‘rlar nafaqaga chiqqanidan keyin o‘rtacha 8-9 yil yashagan bo‘lsa, endi bu ko‘rsatkich erkaklarda 12,5 yoshgacha va ayollarda 20 yoshgacha o‘sdi.

Tizimni isloh qilish bo‘yicha aholi takliflarini to‘plash uchun maxsus platforma ishga tushiriladi. Qabul qilingan takliflarni o‘rganib chiqqandan so‘ng, OAV vakillari ishtirokida qayta muhokama qilish, o‘zgartirishlar kiritish va pensiya islohoti loyihasini rasmiy ravishda taqdim etish rejalashtirilgan” - deb aytib o‘tgan Murod Otajonov.

• Loyiha
• Nafaqa
• Qonun
• pensiya