Yaman poytaxti Sanada Isroil tomonidan amalga oshirilgan havo hujumlari qayd etilgan. Zarbalar husiylarning 7-sentyabr kuni Janubiy Isroilning Ramon xalqaro aeroportiga uyushtirgan hujumlariga javob sifatida berilgan.

Isroil OAV xabarlariga ko‘ra, zarbalarning maqsadi husiylarning yuqori martabali rahbarlarini yo‘q qilishga urinish bo‘lishi mumkin, ammo bu ma’lumot hali rasmiy tasdiqlanmagan. Husiylar vakili Isroilning harakatlarini “mamlakatimizga qarshi tajovuz” deya baholagan.

Eron tomonidan qo‘llab-quvvatlanuvchi husiylarning ta’kidlashicha, ularning harakatlari jabr ko‘rayotgan falastinliklarni qo‘llab-quvvatlashga qaratilgan va Isroilning G‘azodagi harbiy operatsiyasi to‘xtatilgunga qadar davom etadi.

• Havo hujumi
• Isroil
• Yaman