Bugun, 20 yanvar kuni “Sevimli” telekanali ta’sischilarining umumiy yig‘ilishi bo‘lib o‘tdi.  Bu haqda “Darakchi” xabar bermoqda.

Yig‘ilishda tashkiliy masalalar ko‘rib chiqildi. Kanal Kuzatuv kengashi raisi vazifasini bajaruvchi etib jamoatchilik asosida telekanal rahbari Amira Rashidovaning otasi – Firdavs Abduxoliqov saylandi.

Ta’sischilarning qarori bilan Bosh direktori vazifasini bajaruvchi A.Xo‘jayev va bosh muharrir Q.Saydaliyev o‘z vazifasidan ozod etildi.

Yig‘ilishda shu paytga qadar O‘zEOAVMA bosh direktori lavozimida ishlab kelayotgan J.Safoyev kanal bosh direktori vazifasiga tayinlandi.

Yig‘ilishda so‘zga chiqqan, F.Abuxoliqov, kanal efiriga uzatilgan “Sabriya” serialini badiiy saviyasini tanqid ostiga olib, “biz telekanal muxlislari va jamoatchilikdan uzr so‘raymiz va kelgusida yangi tayinlangan bosh direktor, nafaqat seriallar, qolaversa barcha media mahsulotlarning g‘oyaviy-badiiy jihatlariga mas’ul ekanligini uqtirgan holda, barcha chora- tadbirlarni ishlab chiqishi zarur”ligini ta’kidladi.

• Serial
• Telekanal