Bosh prokuratura huzuridagi Departamentning Shahrisabz tumani bo‘limi va IIB xodimlari hamkorligida o‘tkazilgan tezkor tadbirda fuqaro A.U. “Loliston” MFY hududidagi xonadonida qo‘lbola alkogol mahsulotlari ishlab chiqaruvchi yashirin sex tashkil etganligi fosh etilib, ushbu sexdan 810 dona qalbaki aksiz markalar, 1 864 dona “Yangi Shahrisabz” nomli yorliqlar, 3 430 dona har xil turdagi qopqoqlar, 85 litr qo‘lbola tayyorlangan aroq, 1 dona filtr uskunasi, sana qo‘yishga mo‘ljallangan muhr va boshqa ishlab chiqarishda foydalanilgan tovar moddiy boyliklari ashyoviy dalil sifatida olingan.

Bu haqda O‘zbekiston Respublikasi Bosh prokuraturasi huzuridagi Iqtisodiy jinoyatlarga qarshi kurashish departamenti xabar berdi.

Mazkur holat yuzasidan Jinoyat kodeksining tegishli moddalari bilan jinoyat ishi qo‘zg‘atilib, tergov harakatlari o‘tkazilmoqda.

• Alkogol
• Departament
• Qashqadaryo
• Shahrisabz
• qalbaki