O‘zbekiston respublika tovar-xom ashyo birjasi 2022-yil 15-iyunda birjaning ertalabki savdo sessiyasida o‘tkazilgan birja savdo natijalariga ko‘ra, shakarning narxi avvalgi kunga nisbatan yana 123,8 so‘mga pasaygani va mahsulotning bir tonnasi uchun 10 631,1 ming so‘mni tashkil etganini maʼlum qildi.

Qayd etilishicha, ushbu savdolarda shakar bo‘yicha shakllangan minimal narx mahsulotning bir tonnasi uchun 9,7 mln so‘m atrofida qayd etilgan.

2022-yil 10-15-iyun savdo kunlarida shakarning barcha kategoriyasi bo‘yicha shakllangan o‘rtacha kunlik narxi esa mahsulotning bir tonnasi uchun jami 14 mln 554,5 ming so‘mdan 10 mln 631,1 ming so‘mgacha, yaʼni 27 foizga pasaygan.

Taʼkidlanishicha, 15 iyunda birjaning kechki savdo sessiyasida sotuvchi korxonalar tomonidan 1 000 tonna qo‘shimcha shakar hajmi birja savdolariga qo‘yilishi kutilmoqda.

• Birja
• Narx-navo
• Shakar