31°
Kechasi 18°
Sharof Rashidovning kenja qizi, olima va taniqli jamoatchilik arbobi Svetlana Rashidova 2021-yilning 14-dekabr kuni 70 yoshida AQShda vafot etdi.
Svetlana Rashidova 1952-yilda Toshkentda dunyoga kelgan va Rashidovlar oilasining eng kichik farzandi boʻlgan. Toshkent Davlat universitetining romano-german fakultetini tamomlab, Moskva davlat universitetida nomzodlik dissertatsiyasini himoya qilgan. Toshkent davlat universitetining roman-german fakultetida dotsent lavozimida faoliyat olib borgan.
1971-yilda Alisher Vohidov bilan oila qurgan va u bilan birga AQShga koʻchib ketgan. Alisher Vohidov 1994-yildan boshlab Oʻzbekistonning BMTdagi doimiy vakili, 1997-2008 yillarda esa respublikaning BMTdagi elchisi va doimiy vakillari sifatida ishlagan. Svetlana Rashidovaning Nigora va Sharof ismli farzandlari bor.
Svetlana Rashidova BMT delegatsiyalari mehmondoʻstlik qoʻmitasining BMTdagi diplomatlarning oila aʼzolari bilan ishlash boʻyicha vitse-prezidenti sifatida Nyu-Yorkdagi jamoat ishlarida faol ishtirok etgan. Soʻnggi yillarda xastalik bilan kurashgan va 14-dekabr kuni hayotdan koʻz yumgan.
Svetlana Rashidova Oʻzbekistonda dafn qilinadi.
O‘zbekiston va jahonda ro‘y berayotgan eng so‘nggi voqea-hodisalar, sport, shou-biznes, madaniyat, informatsion texnologiyalar va ilm-fan yangiliklaridan doimo xabardor bo‘ling!
O‘zbekiston va jahonda ro‘y berayotgan eng so‘nggi voqea-hodisalar, sport, shou-biznes, madaniyat, informatsion texnologiyalar va ilm-fan yangiliklaridan doimo xabardor bo‘ling!
