Shavkat Mirziyoyev Uzbekistan GTL loyihasi taqdimoti bilan tanishmoqda. Davlat rahbari shu joyning o‘zida mutasaddilarga ko‘rsatmalar bermoqda.

— Bitta to‘g‘ri qadam iqtisodiyotni barqaror qiladi. Meni xursand qilayotgani 3-4 milliard AQSh dollariga teng - GTL majmuasini yosh-yosh, 40 ga kirmagan qorako‘zlarimiz yo‘lga qo‘yyapti, boshqaryapti. Bular xorijda tahsil olib kelishgan.

Bu mega loyihadan nafaqat O‘zbekiston iqtisodiyoti, balki shu yerda yashayotgan g‘uzorliklarga ham manfaatdor bo‘lishi kerak, – deydi davlat rahbari.

Prezident Gʻuzorda yirik ishlab chiqarish ob’yektlarini tashkil etish, infratuzilmani yaxshilash, ijtimoiy ob’yektlarni ko‘paytirish, aholi dam olishi uchun madaniy loyihalar ishlab chiqish haqida viloyat rahbarlariga topshiriq berdi.

Jumladan, Prezident “O‘zbekneftgaz” AJ rahbariga joriy yil geologiyaga belgilanganidek, 1,1 trln so‘m emas, balki ikki barobar ko‘proq ajratish haqida topshiriq berdi.

– Bu mablag‘ni 2 barobar ko‘paytirishimiz kerak. Ta’limga, olimlarga ko‘proq pul beraylik. Afsuski biz geologiya sohasini yo‘qotdik, ta’limni o‘ldirdik, o‘qimay qo‘ydik. Men bekorga bugun rektorlarni ham chaqirganim yo‘q. Ular bugungi kitobi bilan yaxshi mutaxassis chiqara olmaydi. Talabalar amaliyotni shu zavodlarda o‘tashi kerak. Zo‘r-zo‘r yoshlarimiz bor, faqat ularni topish, ularga ishonishimiz kerak, – dedi davlat rahbari.

• O‘zbekneftgaz
• Qashqadaryo
• Uzbekistan GTL