O‘zbekiston prezidenti Shavkat Mirziyoyev 2023-yilgi “Jahonning eng nufuzli 500 musulmoni” (“The Muslim 500”) kitobiga kiritildi. 

2023-yilgi ro‘yxatga, O‘zbekiston musulmonlari idorasining sobiq raisi, marhum Usmonxon Alimov ham kiritilgan. Ushbu ro‘yxatdan Qozog‘iston prezidenti Qosim Jomart To‘qayev ham o‘rin olgan.

Ma’lumot uchun, “Jahonning eng nufuzli 500 musulmoni” kitobi Iordaniyaning Amman shahridagi Qirollik Islom strategik tadqiqotlar markazi tomonidan 2009-yildan buyon tuzib kelinadi.

Qayd etish mumkin, ushbu ro‘yxatda Saudiya Arabistoni qiroli Shayx Salmon bin Abdulaziz Ol Saud, Qatar amiri Shayx Tamim bin Hamad Al Tani, Turkiya prezidenti Rajab Tayyib Erdo‘g‘an, Marokash qiroli Muhammad VI, BAA prezidenti Shayx Muhammad bin Zayid Al Nahyon, Saudiya valiahdi Muhammad bin Salmon Ol Saud va shu kabi davlat rahbarlari dastlabki qatorlarda zikr etilgan.

Shuningdek, Muhammad Saloh, Sadio Mane, Pol Pogba, Zinedin Zidan, Karim Benzema, Habib Nurmagomedov, Sami Yusuf, Amirxon, Mayk Tayson hamda mashhur bloger Habi Leym singari sport va madaniyat vakillari ham kitobdan o‘rin olgan.

• Musulmon
• Shavkat Mirziyoyev