Oʻzbekiston Respublikasi Prezidenti Shavkat Mirziyoyev Iqtisodiy hamkorlik tashkiloti sammitida ishtirok etish uchun Ashxobod shahriga keldi. Bu haqda Prezident matbuot xizmati xabar berdi.
Qayd etilishicha, Poytaxt aeroportida davlatimiz rahbarini Turkmaniston Prezidenti Gurbanguli Berdimuhamedov kutib oldi. Shundan soʻng mamlakatlarimiz yetakchilari muzokara oʻtkazdilar.
Suhbat avvalida Oʻzbekiston Prezidenti Turkmaniston rahbari va birodar turkman xalqini yaqinlashib kelayotgan milliy bayram – Betaraflik kuni bilan samimiy qutladi.
Ikki tomonlama yaxshi qoʻshnichilik va strategik sheriklik munosabatlarini rivojlantirishning dolzarb masalalari muhokama qilindi.
Maʼlum qilinishicha, joriy yil oktyabr oyida oliy darajada erishilgan kelishuvlarga muvofiq savdo-iqtisodiy hamkorlik borasidagi qoʻshma loyihalarni ilgari surishga alohida eʼtibor qaratilgan.
Xalqaro kun tartibi va koʻp tomonlama tuzilmalar doirasidagi hamkorlik yuzasidan fikr almashildi. Oʻzbekiston Prezidenti Turkmanistonning IHTdagi sermahsul raisligini yuksak baholadi va Ashxobod sammiti muvaffaqiyatli oʻtishini tiladi.
Tantanali kutib olish marosimida Davlat rahbarlari faxriy qorovul safi oldidan oʻtdilar.
O‘zbekiston va jahonda ro‘y berayotgan eng so‘nggi voqea-hodisalar, sport, shou-biznes, madaniyat, informatsion texnologiyalar va ilm-fan yangiliklaridan doimo xabardor bo‘ling!
O‘zbekiston va jahonda ro‘y berayotgan eng so‘nggi voqea-hodisalar, sport, shou-biznes, madaniyat, informatsion texnologiyalar va ilm-fan yangiliklaridan doimo xabardor bo‘ling!