Shavkat Mirziyoyev 24-dekabr kuni Ozarbayjon Respublikasi Prezidenti Ilhom Aliyev bilan telefon orqali muloqot qildi.

Mirziyoyev Ilhom Aliyevni 60 yillik yubileyi bilan samimiy tabriklab, unga mustahkam sog‘lik, farovonlik va katta muvaffaqiyatlar, birodar Ozarbayjon xalqiga esa tinchlik-osoyishtalik va ravnaq tilagan.

Ikki davlat yetakchilari O‘zbekiston-Ozarbayjon strategik sheriklik va ko‘p qirrali hamkorlik munosabatlari kun tartibidagi dolzarb masalalarni ko‘rib chiqqanligi qayd etilgan.

Shuningdek, savdo-iqtisodiy aloqalar ijobiy sur’at bilan rivojlanib borayotgani mamnuniyat bilan qayd etilgan: o‘zaro savdo ko‘rsatkichlari barqaror oshib bormoqda, yetakchi korxonalar kooperatsiyasi kengaymoqda. Shu oyda Baku shahrida sanoat ko‘rgazmasi va Ishbilarmonlar kengashining navbatdagi yig‘ilishi muvaffaqiyatli o‘tkazildi. Ikki tomonlama madaniy-gumanitar dastur doirasida faol almashinuvlar davom etmoqda.

rahbarlari ustuvor tarmoq va yo‘nalishlarda, shu jumladan mashinasozlik, energetika, qishloq xo‘jaligi, transport va logistika sohalarida amaliy hamkorlik bo‘yicha loyihalarni jadal ilgari surish muhim ekanini ta’kidlaganlar.

Xabarda berilishicha, mintaqaviy siyosat hamda xalqaro tashkilotlar doirasidagi hamkorlik masalalari yuzasidan ham fikr almashilgan. Bundan tashqari bo‘lajak tadbirlar rejasi ko‘rib chiqilgan.
Telefon orqali muloqot har doimgidek samimiy va do‘stona muhitda o‘tdi, deyiladi xabarda.

• Prezident
• Shavkat Mirziyoyev