Shavkat Mirziyoyev 5-yanvar kuni qisqa muddatli ta’til e’lon qilgandi. Keyinchalik, oradan ikki kun o‘tib, 7-yanvar kuni odatiy ish tartibiga qaytgani ma’lum qilingandi. Prezident matbuot kotibi mehnat ta’tili nega erta yakunlanganini ma’lum qildi.

“O‘zbekiston 24” telekanalidagi ko‘rsatuvda ta’kidlanishicha, Prezident Qozog‘istondagi voqealar sabab mehnat ta’tilidan erta qaytgan.

“Qozog‘istondagi voqealar boshlanganda Prezident uchta davlat rahbari bilan telefon orqali mintaqadagi vaziyatni muhokama qildi. Xalqimiz tinchligi va xavfsizligi Prezident uchun birinchi o‘rinda turadi. Davlat rahbari ta’tildan erta qaytishining asosiy sabablaridan biri Qozog‘istonda tinchlik tarafdori ekanidir”, – deydi Sherzod Asadov

• Prezident
• Shavkat Mirziyoyev