Oʻzbekiston Respublikasi Prezidenti Shavkat Mirziyoyev Turkiy kengashning sakkizinchi sammitida ishtirok etdi.

Keltirilishicha, anjumanda savdo, investitsiyalar, “yashil” iqtisodiyot, raqamli texnologiyalar, transport va kommunikatsiyalar hamda taʼlim va madaniyat sohalaridagi munosabatlarni har tomonlama kengaytirish  bo‘yicha masalalar koʻrib chiqildi.

Shuningdek, prezidentimiz Orol dengizining qurishi keltirib chiqarayotgan muammolarga ham toʻxtalib oʻtdi. Ekologik halokatlarning salbiy oqibatlarini yumshatish, ular tarqalishining oldini olish uchun Shavkat Mirziyoyev Birlashgan Millatlar Tashkiloti bilan hamkorlikda Turkiy mamlakatlarning atrof-muhit muhofazasi boʻyicha tuzilmasini tuzish, uning qarorgohini esa Orolboʻyining ekologik fojiadan eng koʻp jabr koʻrgan tumanlaridan birida joylashtirish gʻoyasini ilgari surdi.

Davlatimiz rahbari bu galgi sammit davomida Alisher Navoiy nomidagi xalqaro mukofotni taʼsis qilish toʻgʻrisidagi qaror qabul qilingani uchun minnatdorlik bildirib, tashkilotga aʼzo mamlakatlar fondlarida saqlanayotgan nodir asarlarni tadqiq va tarjima qilish, ularning yagona elektron bazasini yaratish muhimligini taʼkidladi.

Qayd etilishicha, davlat rahbarlari 10 dan ortiq hujjat - sammitning yakuniy deklaratsiyasini, “Turkiy dunyo nigohi - 2040” dasturiy hujjati va kun tartibiga kiritilgan boshqa qarorlarni imzoladilar.

• Prezident