Joriy yil dekabr oyida Prezident Shavkat Mirziyoyevning Sog‘liqni saqlash sohasi vakillari bilan “Ochiq muloqot”i o‘tkazilishi rejalashtirilmoqda. Bu haqda tegishli vazirlik va idoralarga Prezident Administratsiyasi rahbari Z.Nizomiddinov imzolagan xat chiqarilgan.

Qayd etiliishcha, mazkur tadbirda sog‘liqni saqlash sohasidagi dolzarb muammolar va ularning yechimlari, xizmat sifatini yaxshilash bo‘yicha taklif hamda tashabbuslar muhokama qilinadi.

Ochiq muloqotga tayyorgarlik ko‘rish doirasida AKT vazirligi ochiq muloqotni tashkil etish maqsadida Prezident huzuridagi Davlat boshqaruvi akademiyasida “Call-markaz” uchun qisqa raqam (zarur uskunalar bilan) hamda Media markaz uchun yuqori tezlikdagi internet ajratilishini ta’minlaydi.

Shuningdek, Prezident maslahatchisi Abdujabar Abduvaxitov rahbarligidagi Shtab kelib tushayotgan muammo va takliflarni hal etish maqsadida har bir hududda 22-30-noyabr kunlari mas’ullar boshchiligida ishchi guruhlar bilan joyiga chiqqan holda uchrashuvlar tashkil etib yuzma-yuz muloqotlarni amalga oshiradi.

• Prezident
• SSV