Varshava shahrida shaxmat bo‘yicha 2021 yilgi jahon chempionati davom etmoqda.

Kecha blis-shaxmat bo‘yicha 12 ta tur o‘yinlari bo‘lib o‘tdi.

Quvonarlisi, 12 imkoniyatdan 8,5 ochko jamg‘argan o‘zbekistonlik Javohir Sindorov sovrinli o‘rinlar uchun kurash olib bormoqda. U birinchi kungi bahslardan so‘ng, 179 shaxmatchi ichida 5-o‘rinni egallab turibdi.

Rapid yo‘nalishida jahon chempionligini qo‘lga kiritgan Nodirbek Abdusattorov esa 6,5 ochko bilan 65-o‘rindan joy olgan, Shamsiddin Vohidov 6 ochko bilan 86, Jahongir Voxidov esa 5,5 ochko bilan 110-pog‘onani band etgan. 

Bugun Toshkent vaqti bilan soat 18:00dan so‘ng o‘yinlar davom ettiriladi. Blis-shaxmatda chempionat 21 ta tur bo‘ladi.

• Shaxmat