Shimoliy Koreya payshanba kuni Yapon dengizi yo‘nalishida ikkita ballistik raketani sinovdan o‘tkazdi.

Keltirilishicha, ikkala raketa ham 15 daqiqalik intervalda uchirilgan.

Tokio rasmiylarining aytishicha, snaryadlar Yaponiyaning iqtisodiy zonasidan tashqariga tushganga o‘xshaydi. Yaponiya qirg‘oq qo‘riqlash xizmati Yaponiya kemalariga zarar yetmagani haqida ma’lum qilgan.

Yaponiya bosh vaziri Fumio Kisida Shimoliy Koreya bunday harakatlari qabul qilib bo‘lmaydigan va xavfsizlikka tahdid solishini aytdi.

Yaponiya mudofaa vaziri Yasukazu Hamadaning aytishicha, Tokio keskin norozilik bildirgan.

“Biz Pekinda diplomatik kanallar orqali qat'iy norozilik bildirdik. Bunday harakatlar BMT Xavfsizlik Kengashi rezolyutsiyalarini buzadi”, - dedi Hamada.

Yaponiya mudofaa vazirining so‘zlariga ko‘ra, birinchi raketa maksimal 350 kilometr masofani bosib o‘tgan, ikkinchisi esa 800 kilometrga yaqin masofada uchib, 50 kilometr balandlikka yetgan”.

Bu Shimoliy Koreyaning yil boshidan beri o‘tkazgan 24-raketa sinovi bo‘ldi, oldingi sinov 4-oktyabrda bo‘lgan.

• Janubiy Koreya
• KXDR
• Yaponiya